KAHITSINO, KAPITANSINO, TULONG TAYO

***
ASTIG!
yan lang ang masabi ko sa video na to. ang gagaling ng naka isip na i publish tong video na to. sino kayang hinayupak yon ??? saludo ako.

***
isipin mo to, lahat tayo kayang maging public servant. dina kelangan maging presedente pa tayo o kaya politiko. kahit anong edad pwede tayong makapagpasaya ng kahit sino. kahit anong estado natin sa buhay. kahit simpleng bata lang tayo, kahit uugud ugod na matanda, kahit hamak na hotdog vendor, kahit na pulubi nga eh, kahit na mas malaki lang ng konti sa alikabok ang utak mo(tulad ko), pwede tayong tumulong.
***
iseshare ko yung nabasa ko sa "kapitan sino".
marami ako natutunan dun. isa na ron yung pwede tayong tumulong kahit ano lang tayo. tulad ng pinapakita ng video na to. sabi ni "kapitan sino", hindi kung bakit magulo ang mundo ang tanong, kundi kung ano ang magagawa nya, mo, ko, at kahit sino satin.
dun sa kwento nung una ayaw maging superhero ni rogelio, hanggang sa makumbinsi sya ng kaibigan nyang katulad kong abnormal na pwede syang maging bayani, sabi nya gagawin nya lang kung ano ang magagawa nya. totoo naman yon sa kahit na sino satin. tulad nung bata sa video, di mo na kelangan ng super strength o ng kakayahang lumipad o pahintuin ang sarili mong oras, kailangan mo lang e yung puso mo at will para tumulong at makapag pasaya sa iba.
kung ano lang ang magagawa mo, kung ang kaya mo lang e yung pagligtas sa nirerape na hipon, o sa nagugutom na parrot, gawin mo. mas okay na yun kesa alam mong mas may magagawa ka pero di mo ginagawa.
***
alam ko gusto nyong makabasa ng mga patama sa mga number 1 daw na gustong maglingkod sa bayan(pero number 1 din sa pagpapahirap neto), pero di ko muna gagawin yon, kase, sayang lang ang oras sa pagsisisihan ng mga tao, mas maganda ngayon na gugulin ang oras sa pag gawa kung ano ang magagawa mo.
lalo na ngayun at me nangyari nanamang trahedya. mas lalo natin dapat palaganapin ang diwa ng Pasko, ang pagbibigayan at pagtutulungan. hayaan muna natin ang mga pag sisi sa iba bilang sanhi ng trhedya, bagkus gawin natin ang nararapat. parang si kapitan sino.
***
kung iisip[in mong mabuti, ipinapakita rin ng video na hindi lang dapat ikaw ng ikaw ang tinutulungan, matuto karin na magbalik ng charity at saya sa iba. parang gulong yan, kung ngayon ikaw ang nangangailangan ng tulong, balang araw ikaw ang tutulong.
karma din yan. kahit gano kasama ang araw mo, kung mabuti kang tao at mabuti ang ginagawa mo, babalik at babalik sa yo yan. kaya tumulong ka kahit katiting lang ang magagawa mo, sapat na yon.
***
at pahabol ko nga pala, eto natutunan ko kay bob ong(na sa paniniwala ko e kakambal ko), "hindi naman kailangang maging mabuti kang tao para gumawa ka ng kabutihan sa iba"
totoo yon, kase naniniwala rin ako na lahat ng tao pinanganak na may mabuting puso, natatabunan lang ng mga sirkumstansya sa buhay.
kung may maitutulong ka gawin mo kahit hindi kla mabuting tao. hindi pumipili ng tuttulungan ang kabutihan, lalung hindi pumipili ng taong tutulong ang paggawa ng kabutihan.
tignan mo yung isang kasama ni Hesus nung napako sya sa krus, yung isa na humiling na maipakita sa kanya ang langit pag namatay sya (tama ba ?????).
ang gusto ko lang sabihin sa part na to e :
wag mong tanungin kung  bakit may kapwa kang tumutulong tanungin mo kung bakit ikaw hindi tumutulong.